كلام فى الممنوع
من غير صكوك قانونية ولا شهادات تعليمية
تقول أنا باشا ومهندس ودكتور ....بهية هتكلم كلام فى الممنوع,
أصلى الريس خلاها وراثية من
ابن لأبن لحفيد ما هى بهية طيبة وفى الجلابية والطرحة مدارية ,
اصلى الى بناها كان فى الأصل حلوانى
أتهموكى أنك طيبة
ولصوت الحق مش هتصرخى ولا تقولى الأه أصلى الطيبة يعاقب
عليها دلوقت أصحاب القوانين الى أتعلموها
فى كتاب وأقسموا اليمين ينفذوها, بقولك ايه يا
قاضى ...العدل صديق الرحمة وابن عم الطيبة وأخو الحق,
أصلى بهية بتحب الود وعلى العهد بتود وبتقول أصلى دول
أخواتى واصحابى وحبايبى أصرخ ازاى بس!!! بس هيا متألمة
من تشخيص الدكتور لما قال اعزلوها فى مكان وخلوها تتفرج يا
سلام على الهندسة والأباكتو والباشا كمان بيخططوا
ويرسموا ازاى نكون عرايس متحركة تتحرك فى حركة دائرية
من غير ما تقول ليه وعشان أيه , أصلى بهية طيبة فى الطرحة
والجلابية مدارية ما تقدرش تقول الاه بتخاف من سنانهم أصلها
حامية ساعتها الصكوك القانونية هتدين بهية وتقول قلبت نظام
الحكم والدكتور هيشخص الحال
وانتِ يا صبية يا جميلة ومدارية طلقك الواد علشان الأجنبية
أصلى فلوسها أجنبية وفى السوق السودة
بتزيد كل يوم أنما انتِ مصرية رخصوكى لأنك بنت بهية أم
طرحة وجلابية
بس برضه لكِ سحر فتان وهيرجعوا لحضنك بعد فوات الأوان
أهو بقى كلام فى الممنوع و هيقولوا عليكى ده هذيان
وعجبى....يا صبية
موجه
جالها فارس وقال انا جاى أحقق الاحلام وامسح الدموع
من الامهات الباكيات الى رحلوا ولادها علشان بيحرروا أراضيها العربية
جالها فارس وقال انا جاى أحقق الاحلام وامسح الدموع
من الامهات الباكيات الى رحلوا ولادها علشان بيحرروا أراضيها
العربية
هنشر السلام ويعم الآمان فرحت بهية ومن الزغرودة كانت مدوية
وفضلت مستنيه حتى كلمة فى خطاب
قالها الفتى الأسمر ومن الوعود قولنا الله
واهو ايدينا على خدنا منتظرين وأظاهر هننتظر على طول
أصلى بهية طيبة وفى الوعد
بتقول أن شاء الله يكون
وعجبى
